Plantun de Prouvènço

Pèr coumpara dos planto d'encò nostre

Fraxinus ornus & Carex canescens

Frais-di-flour-blanco

Fraxinus ornus

Oleaceae

Autre noum : Frais-de-la-mauno.

Noms en français : Frêne à fleurs, Orne.

Descripcioun :
Pichot frais que trachis dins li relarg umide e caud. Se recounèis à si flour blanco qu'an de lòngui petalo primo. Li fueioun soun pu larg qu'encò lou frais, Fraxinus excelsior.

Usanço :
Es un aubre qu'es esta planta dins mant'un relarg. A l'incisioun, s'escoulo uno meno de mauno blanco qu'a un goust sucra (sèbo), proun utilisado en Sicilo. La mauno èi lachativo e vertuouso pèr apasima la pèu. Ei di proun utilisado pèr d'ùni crèmo.

Port : Aubre
Taio : 1 à 8 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Fraxinus
Famiho : Oleaceae

Coulour de la flour : Verdo
Petalo : 4
Ø (o loungour) flour : 1,5 cm
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Fourèst de gaudre - Ribiero - Pargue
Estànci : Termoumediterran à Subremediterran
Couroulougi : Eurimediterranenco
Ref. sc. : Fraxinus ornus L., 1753

Queirello(-blanquinouso)

Carex canescens

Cyperaceae

Àutri noum : Moutouso, Sagneto.

Nom en français : Laiche blanchâtre.

Descripcioun :
La queirello-blanquinouso trachis en mato dins li palun de mountagno sus siliço. Es uno planto pulèu raro au nostro emai s'atrobe un pau d'en pertout en deforo. Sa cambo, en triangle e rufo en aut, porto de tres à vuech espigo roundinello longo de 5 à 12 mm. Fai de lòngui fueio de 2 à 3 mm de larg.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50(70) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 30 à 50 mm
Flourido : Printèms - Estiéu

Sòu : Si
Autour basso e auto : 0 à 2300 m
Aparado : Noun
Mai à juliet

Liò : Palun tourbous
Estànci : Mountagnard à Subaupen
Couroulougi : Subrecousmoupoulito
Ref. sc. : Carex canescens L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Fraxinus ornus & Carex canescens

Coumpara Frais-di-flour-blanco emé uno autro planto

Coumpara Queirello(-blanquinouso) emé uno autro planto